Дүйнөлүк тилдер предметтик-циклдик бирикмеси 2007-жылы ОшТУнун Окумуштуулар кеңешинин чечими жана ректордун № 09-04/158 буйругу менен Чет тили сектору болуп түзүлгөн.
2011- жылдын 19–октябрынан тартып ОшТУнун Окумуштуулар кеңешинин жана ректордун № 07-02/88 буйругу менен Чет тили сектору Мамлекеттик жана дүйнөлүк тилдер кафедрасы деген ат менен кеңейтилген.
2011- жылдын 19- октябрынан тартып 2024-жылдын 2-июлуна чейин Мамлекеттик жана дүйнөлүк тилдер кафедрасы өз ишмердүүлүгүн жүргүзүп келди.
2024-жылдын 2-июлунда ОшТУнун Окумуштуулар кенешинин чечими жана ректордун
№ 09-04/404 буйругу менен Дүйнөлүк тилдер предметтик-циклдик бирикмеси бөлүнүп чыгып, учурда 12 окутуучу эмгектенет. Окутуунун жаңы усулдары колдонулуп, ачык сабактар, уюштуруу иштери, иш чаралар жогорку деңгээлде өтүлүүдө.
Бирикмеде эмгектенген окутуучулар студенттерге татыктуу билим жана тарбия берүүдөгү жетишкендиктери үчүн Эл агартуунун отличниги, Ош облустук мамлекеттик администрациясынын, Ош шаардык мэриясынын жана ОшТУнун төш белгилери, ардак грамоталары, дипломдору жана баалуу сыйлыктары менен сыйланышкан.
Бирикменин окутуучулары окуу-усулдук колдонмолорду жазуу менен бирге илимий иштерди да алып барышууда.
